Në emisionin“Shqip” nga Dritan Hila ishte i ftuar gazetari investigative Adriatik Doçi për të folur lidhur më çështje si korrupsioni, tenderat dhe konçensionet dhe si kanë vijuar ato në vendin tonë.
Ai tha se Meta shqetësohej pasi në Austri ndodhej një nga ata që mund të kthehej në dëshmitar kyç për SPAK. Bëhet fjalë për Vojsava Ismailaj, gruaja e ortakut të Ilir Metës i cili gjendet në burg.
“Meta nuk shqetësohet kot. Edhe nëse është i pabazuar artikulli, ka një lidhje tjetër me Austrinë ai. Atje është një person që mund të kthehet në dëshmitaren më të rëndësishme të shekullit për SPAK.
Është Vojsava Ismailaj, gruaja e Kastriot Ismailaj, ortakut kryesor të Ilir Metës, i cili është futur në burg, është dënuam më 11 vite për aferën CEZ-DIA.
Si lidhjet Meta me këtë? Në një mesazh të publikuar në media Meta i thotë më sill urgjentisht 200 mijë. Data ishte 27 qershor 2009, një ditë para zgjedhjeve. Vojsava dha në intervistë në 2009 por u kërcënua dhe hoqi dorë, u zhduk nga skena.”, u shpreh Doçi./m.j
