SPECIALE JAVANEWS/ Në dy dokumentat e hartuar nga PD-ja lidhur me procesin dekriminalizimit, ku njëra është nisëm legjislative dhe tjetra për Komisionin “Kosova” për “dekriminalizimin e PD-së”, ajo që bie në sy është fakti se pa shumë elegancë hartuesit e këtyre dy dokumentave janë përpjekur që të shmangin nga ky process emra të veçantë Brenda PD-së. Nga një lexim i kujdesshëm i këtyre dy dokumentave bie në sy fakti se ka një përpjekje të qëndrueshme për të shmangur nga shigjetimi nga “dekriminalizimi” kryetarin aktual të PD-së, Lulzim Basha, por edhe ndonjë të zgjedhur local të PD-së si Xhelal Mziu, kryebashkiak i Kamzës, ndaj të cilit ka një vendim gjykate me dënim për korrupsion. Në këto dy dokumenta nënvizohet se për të sendërtuar një proces “dekriminalizimi”, do të merren në konsideratë vendimet e gjykatave të BE-së që në procesin fillestar të hetimit ndaj një personi të caktuar. Ndërsa sa u përket gjykatave shqiptare, do të merren në konsideratë vetëm vendimet përfundimtare të gjykatave. Përse është ky këndvështrim me dy standarde? A ka një prapavijë në mënyrë e konceptimit? A ka parasysh emra të veçantë? Përse vendimet e gjykatave shqiptare ndihen inferiore krahasuar me gjykatate vendeve të BE?
Telefoni “i prishur”…?
Vetë Prokuroria e Tiranës në materialin e dorëzuar në Prokurorin e Përgjithshme shprehet se Lulzim Basha i është shmangur me vetëdije hetimit. Basha, në bazë të dokumentacionit zyrtarë të prokurorisë, është thirrur nga Prokuroria në datën 29.05.2007 në orën 14.00, për të dhënë deklarim për ndërtimin e rrugës Rreshen-Kalimash. Ai ka marrë njoftim zyrtarë për këtë. Ndërsa Basha nga ana e tij me telefon, nëpërmjet sekretares, shtynte kërkesat e prokuroris për të dhënë dëshmi me justifikime nga më të çuditshmet si “axhenda e ngjeshur”, “raport mjekësor”, “vizitë pune”, “mbledhje” “impenjime të tjera” etj. Nëpërmjet sekretares ai njoftonte organin procedues, nëpërmjet telefonit, se do të paraqitej në një datë tjetër. Por përtej “premtimeve” që i bënte Prokuroris, Basha asnjëherë se mori mundimin për të telefonuar për të njoftuar se do të respektonte kërkesën e organit të akuzës për të dhënë dëshmi për aferën Rrëshen- Kalimash. Në adresë të Bashës është nisur edhe një fletë thirrje e dytë nga ana e prokuroris, por sërish Basha nëpërmjet sekretares po me telefon njoftonte se do te paraqitej në një datë tjetër “për shkak te impenjimeve të punës si ministër”. Ndonse koha kalonte shtetasi Lulëzim Basha nuk mori asnjëherë në telefon Prokurorinë për tu paraqitur përpara organit të akuzës. Kjo bëri që prokuroria të arrinte në përfundimin se Lulëzim Basha, “po i shmangej hetimit”.
Akuza ende mbi supet e Bashës
Hartuesit jo pa qëllim kanë kanë vendosur dy standarde. Kryetari aktual i PD-së, Lulëzim Basha, mban ende mbi supe akuzën e prokurorisë për “shpërdorim detyre”, lidhur me autostradën “Durrës- Kukës”. Ky shpërdorim detyre i ka kushtuar shtetit dëme në vlera rreth 240 milion euro. Kjo është shuma më e madhe e dëmeve në historinë e shtetit shqiptarë nga ana e një ministri. Skema për të kaluar në një shkallë inferiore vendimet e gjykatave shqiptare në thelb synon t’i paraprijë ndonjë mundësie të hapjes rishtazi për gjykim të dosjes “Rrëshen- Kalimash”. Basha, në bazë të hetimit, rezulton i dyshuari kryesorë në këtë aferë, sëbashku me disa bashkëpunëtorë të tij më të afërt, Armand Teliti dhe Andi Toma. Akuzat e Prokurorisë vijojnë të qëndrojnë në këmbë, pavarësisht se ato nuk janë gjykuar për shkak të një seri manovrash juridike për të nxjerrë hetimin jashtë afateve ligjore. Deri tani Basha nuk ka mundur të rrëzojë asnjë nga akuzat ndaj tij. Ai ka mundur vetëm të shmangë gjykimin për akuzat e Prokurorisë ndaj tij./Me.Ar/
