Vijojnë replikat në distancë ndërmjet Kreut të Komisionit të Sigurisë Spartak Braho dhe këshilltarit të Presidentit Bujar Nishani për Mbrojtjen, Pirro Ahmetaj.
Ashtu siç ishte paralajmëruar, deputeti i LSI Braho ka treguar pseudonimin si bashkëpunëtor i Sigurimit, të këshilltarit të Presidentit. Ai thotë se pseudonimin ia ka zbardhur ish-ministri i Mbrojtjes, Safet Zhulali.
“Ndërsa lidhjet me Sigurimin e Shtetit të zotit Pirro, i ka ditur mirë Safet Zhulali, i cili ka pasur rastin të trajtojë “Shkodranin” kur ishte ministër i Mbrojtjes,” tha Braho.
Konflikti u ndez kur Pirro Ahmetaj deklaroi se deputetët e majtë në Komisionin e Sigurisë janë trafikantë.
