Kryeministri Edi Rama ishte sot prezent në mbledhjen e Komuniteve Olimpike, ku theksoi rëndësinë që kjo qeveri po i jep sportit, duke nisur që nga programet shkollore.
“Ne kemi prezantuar edhe 3 orë të detyrueshme në sistemin shkollor. Transformim në shkolla për sistemin sportiv. Jemi të angazhuar për të bërë gjithçka për sportin. Jemi përpjekur të zhvillojmë kushtet për sportin, për ti dhënë komuniteteve hapësira për zhvilluar aktivitete sportive. Kjo lidhet me programet e reja në shkolla”, tha Rama.
Kryeministri nuk e ka kaluar pa batuta këtë takim. Teksa po largohej për shkak të axhendës, u tha të pranishmëve që ishin përfaqësues të sportit se do preferonte më mirë të rrinte me ta se sa me politikanët.
“Më mirë të rrija me ju që jeni sportistë sesa me politikanet por duhet të largohem”, tha Rama.
