Aeroporti i jugut, ndërtimi i të cilit do të nisë në vitin 2019, do të kushtojë 75 milionë euro, dhe do të jepet me koncesion. Report TV ka zbardhur draftin e strategjisë finale dhe planveprimin e Ministrisë së Transporteve për këtë sektor, i përfunduar në janar të këtij viti.
Strategjia përcakton që më vitin të përcaktohet vendi ku do ndërtohet aeroporti, si dhe kostot për blerjen e tokës. Po këtë vit do studiohen edhe mundësitë për dhënien e tij me koncesion. Paralelisht do të nisë edhe procesi i tenderimit për përzgjedhjen një kompanie që do bëjë studimin dhe dizenjimin e infrastrukturës së aeroportit. Sipas planveprimit, në vitin 2017 duhet të ketë përfunduar përzgjedhja e kësaj kompanie, e cila në vitin 2018 duhet të ketë gati dhe projektin. Po në vitin 2018 do të nisë procesi i tenderimit për përzgjedhjen e kompanisë që do kryejë punimet infrastrukturore për aeroportin, si dhe blerja e tokës. Në vitin 2019 do të përzgjidhet kompania që do kryejë punimet, e cila duhet të nisë punën që këtë vit.
Vetëm pak ditë më parë Qeveria ka ndërmarrë hapin e parë konkret për ndërtimin e aeroporti të ri në jug të vendit për fluturime ndërkombëtare. Këshilli i Ministrave ka autorizuar Ministrinë e Transportit dhe Autoritetin e Aviacionit Civil që të kryejnë tenderimin e projektit për realizimin e studimit të fizibilitetit për ndërtimin aeroportit. Shuma e vënë në dispozicion është 30 milionë lekë. Studimi do të përcaktojë vendin se ku do të ndërtohet ky aeroport, numrin e mundshëm të udhëtarëve dhe përfitimet. I gjithë procesi do të monitorohet nga Ministria e Transportit.
shqiptarja.com/d.i.
Qeveria Rilindjes njelloj si qeveria e korruptuar e PD vazh#on me koncensionet qe deri tani jane deshtim absolut ne ekonomi duke demtuar me qindra milion dollar popullin shqiptar dhe duke pasuruar kompanite e huaja dhe ministrat sekser te kontrayave te koncensioneve ku shembulli me abuziv eshte aeroporti i Rinasit me i shtrenjte ne Europe