Pas insistimit të gazetarëve me një pyetje të dytë lidhur me çështjen Tahiri dhe raportimet mediatike se gjermanët i kanë kërkuar “dorëzimin” e tij tek drejtësia, kreyministri Rama tha se ka pasur një pyetje në komisionin e çështjeve evropiane.
Pyetje: Referuar edhe pyetjes sime të parë, edhe “DW” ka raportuar gjatë vizitës suaj në Gjermani ju është kërkuar që ish-ministri Tahiri t’i “dorëzohej” drejtësisë. Ndaj më lejoni të insistoj edhe një herë tjetër, a ju është kërkuar gjatë takimeve tuaja diçka e tillë?
“Është bërë një pyetje në komisionin e çështjeve evropiane lidhur me këtë çështje dhe lidhur me pozicionin tonë në këtë proces, pyetje që sigurisht ka pasur të bëjë në thelbin e shqetësimit të vet edhe me baltën e eksportuar atje dhe me tregimin e deformuar të kësaj historie, por ne kemi qenë në Gjermani, nuk kemi qenë në Venezuelë ku të na kërkohet që të kapim dikë dhe ta çojmë para drejtësisë sepse kjo është një çështje e drejtësisë dhe këtë në Gjermani e dinë qëkur marrin qumështin e Nënës.”
a.ç
