Ish-kryeministri i Shqipërisë, Sali Berisha, ka mbledhur këtë të enjte në Tiranë qindra simpatizantë të Partisë Demokratike, në atë që ai e quan rikthimi i statutit të PD dhe rikthim i kushtetutshmërisë së saj.
Në atë takim, Berisha e cilësoi për të disatën herë si nul dhe si personal vendimin e kryedemokratit Lulzim Basha, me qëllimin e vetëm sipas tij për të ruajtur pushtetin.
Ai zbuloi po ashtu aksionin e tij ndaj vendimit të Bashës, duke thënë se si fillim do të mbledhin 1.500 firma të delegatëve, për ta çuar më pas çështjen në Kuvendin Kombëtar.
I pyetur nga demokratët e pranishëm nëse do të kthehet sërish në krye ë PD dhe ti udheheqe ata drejt fitores ne zgjedhje, Berisha tha:
“Kushdo që do të udhëheqë PD do e caktojnë demokratët dhe demokratet me vullnetin e tij të lirë”, tha Berisha.
Serish ka pyetur demokratja: A do na udhëhiqni dhe njëherë ju si kryetar i Partisë Demokratike?
Sali Berisha: Se kush do ta udhëheqë Partinë Demokratike, do ta përcaktojnë demokratët dhe demokratet me votën e tyre.
/m.j
