Në qarqet kryesore të vendit, në Tiranë dhe Durrës sot mbahen zgjedhjet për delegatët e Kongresit të Partisë Socilaiste që do të zhvillohet në 19 mars.
Në kryeqytet kanë votuar sot edhe kryeministri i vendit dhe njëkohësisht kreu i PS Edi Rama, kryetari i kësdaj force për kryeqytetitn Saimir Tahiri dhe kryebashkiaku Erion Veliaj.
Ky proces ëhstë ndjekur nga afër nga kreu i PS Tiranë i cili dha një deklaratë për mediat për ecurinë.
“Zgjedhjet tregojnë dimensionin demokratik të PS, ndërsa ka ftuar të gjithë anëtarësinë e PS që të votojë. Është ftuar e gjithë anëtarësia e PS të votojë. Anëtarët zgjedhin forumet drejtuese të partisë, dhe këto zgjedhje tregojnë dimensionin demokratik të PS. Deri më tani, pjesëmarrja në votime mbi 40%”, tha Tahiri.
I pyetur se kush do të jetë pasardhësi i tij në krye të PS për Tiranën, dhe se kur do të votohet për këtë proces, Tahiri u përgjigj në këtë mënyrë.
“Sot është dita e anëtarëve të partisë. Është dita kur fjala kryesore i takon anëtarëve të partisë, të cilët janë duke votuar në çdo qendër votimi, në çdo njësi si në qarkun e Tiranës dhe në atë të Durrësit. Kështu që kjo ditë e tyre vlen më shumë se çdo kuriozitet tjetër”, tha ai.
