Një 37 vjeçar në Vlorë është arrestuar për plagosjen e një shtetasi. Ngjarja ka ndodhur ditën e djeshme në lagjen ”Lef Sallata”, ndërsa i arrestuari është shtetasi Elton Zotaj.
Policia thotë se “Zotaj ka goditur me një levë hekuri, për motive ende të paqarta, duke e lënë të dëmtuar jashtë rrezikut për jetën shtetasin M.M., 63 vjeç. Policia ka bërë menjëherë arrestimin e tij me qëllim parandalimin e ndonjë ngjarje të rendë kriminale sepse ka shfaqur rrezikshmëri shoqërore duke e kanosur edhe herë të tjera shtetasin M.M”.
Materialet proçeduriale do t’i kalojnë Prokurorisë së Rrethit Gjyqësor Vlorë për veprën penale “Plagosje e lehtë me dashje”.
a.ç
