Conor McGregor është shpallur fajtor për përdhunimin e një gruaje në një hotel në Dublin në vitin 2018 së cilës i ka paguar mbi 248.000 euro dëmshpërblim.
Sportisti i arteve marciale të përziera s’bëri asnjë koment teksa u largua nga Gjykata e Lartë e Dublinit pas vendimit. Pasi e peshoi çështjen për 6 orë e 10 minuta, juria u kthye në sallë me verdiktin. Shuma totale e dëmshpërblimit për Nikita Hand ishte 248.603 euro.
Më parë, McGregor i kishte thënë gjykatës se marrëdhënia seksuale me Hand ishte kryer me pëlqimin e të dy palëve, në një dhomë në katin e fundit të Beacon Hotel.
Ndërsa paditësja deklaroi se McGregor e ngërtheu në shtrat, e mbyti tri herë dhe “e përdhunoi e rrahu brutalisht”.
Ajo pësoi lëndime të shumta, mavijosje dhe të nxira në duar e kyçe, një të gërvishtur në gjoks dhe lëndim në qafë.
Avokatët e sportistit kundërshtuan dhe e akuzuan se po tentonte t’i merrte para. Ata shfaqën pamje filmike të paditëses që hyn dhe del nga hoteli me McGregor dhe një person tjetër, James Lawrence të cilin e akuzon për abuzim seksual.
Të dy të paditurit kanë mohuar diçka të tillë. Hand fitoi ndaj McGregor, por e humbi çështjen kundër Laërence.
Sportisti dhe paditësja njiheshin dhe komunikonin herë pas here përmes rrjeteve sociale.
