Zbulohet një qendër masazhesh në Tiranë që shërbente dhe si ‘fole’ prostitucioni. Burime zyrtare nga policia bënë me dije se pas hekurave ra menaxherja e qendrës së masazheve 28-vjeçares me inicialet M. H.
“Finalizohet nga Komisariati i Policisë Nr. 6, operacioni policor i koduar “Flower”. Kishte përshtatur një qendër masazhesh, për veprimtarinë e kundërligjshme të prostitucionit, shpallet në kërkim 29-vjeçari. Vihet në pranga menaxherja e qendrës së masazheve, procedohen penalisht 5 shtetas të tjerë.
Si rezultat i tij:
▪️u arrestua në flagrancë shtetasja M. H., 28 vjeçe, menaxhere në një qendër masazhesh;
▪️u shpall në kërkim shtetasi M. Xh., 29 vjeç.
Gjatë hetimeve të kryera ka rezultuar se, shtetasi M. Xh., administronte një qendër masazhesh, në Unazën e Re, me menaxhere shtetasen M. H., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit. Materialet i kaluan Prokurorisë, për veprime të mëtejshme procedurale.”, sqaron policia. SOT
