Në pritje të betimit si deputet i Korçës për Partinë Demokratike, Andrea Mano, figura politike që pritet të ulet në karrigen e Salianjit pas dënimit me 1 vit burg për kallëzimin e rremë sa i përket dosjes “Babale”, ka zgjedhur të mos japë asnjë koment për paraardhësin e tij.
Për gazetarin e Klan News, Besard Jacaj, Mano ka lënë të nënkuptohet se me betimin si deputet do t’i bashkohet aksionit opozitar. Megjithatë, sipas tij, situata aktuale nuk i shërben për të mirë askujt dhe duhen krijuar ura komunikimi për ndërtimin e një qeverie teknike.
“Para 3 viteve unë dhashë dorëheqjen nga drejtimi i PD në Korçë. Unë dhe një pjesë e madhe e anëtarëve të Kryesisë. Ne u larguam 280 veta në shenjë proteste për lidershipin, i cili i ktheu zgjedhjet në një pazar të poshtër midis tij dhe njerëzve afër tij. Kështu që ne nuk jemi larguar nga Partia Demokratike, por kemi qenë një grup njerëzish që vazhdonte të jepte kontributin midis radhëve të PD-së. Ajo që unë shoh, sa i përket qëndrimit tim, është një situatë që nuk i bën nder askujt, as Shqipërisë, as pushtetit, sepse fatkeqësisht duhet të jenë ata që ta bëjnë situatën lehtësisht më të komunikueshme për opozitën. Po shkojmë në një situatë që s’ka një përfundim pozitiv, sepse kur afrojnë zgjedhjet, pushtetit i intereson ta acarojë situatën për të mbledhur apo rigrupimit të militantëve të vetë. Dhe pushteti tani sipas sondazheve ka një rënie të tyre.
Kjo na ka vënë ne në pozitë. Unë besoj se duhen gjetur ura komunikimi për të ndërtuar një qeveri teknike. Është e vështirë, por ne duhet të tentojmë sepse s’kemi ç’bëjmë. Në qoftë se kjo nuk ndodh, ne duhet të bëjmë edhe plane të tjera. Qeveria teknike është shumë e zorshme që të arrihet në rrugë ekstreme në këto momente. Presioni duhet, ne duhet të vazhdojmë protestat dhe çdo rrugë tjetër që mendojmë se mund të na sjellë efekt, por nga ana tjetër duhet të vendosim komunikimin me ndërkombëtarët”, përfundoi Mano, duke i kërkuar ndër të tjera ndjesë elektoratit të tij korçar për vendimet e gabuara në të shkuarën sikurse djegia e mandateve.
/a.r
E ore Andrea, dështaku i Korçës. Ke tre vjet i vetpërjashtuar e tani të ardhi radha të zgjohesh. Edhe thua se,; po i re murit me kokë , nuk rrëzohet muri por thyet koka,; e më pas na thua se; nuk ka rrugë tjetër veçse t’i biedsh murit me kokë?!
O filozof i dështuar i Korçës që lëvizni të gjithë në një rreth vicioz dhe nuk keni mend të dilni prej aty, jeni kthyer si në shpellën e Pllatonit 2500 vjet para. Bjerimi murit me kokë!!
Shënim: Budalla është Berisha që nuk zbret nga kati i 8-të i godinës?? O buf kënete!.
Kërkon qeveri teknike??!! Që për 6 muaj t’i vini kazmën dhe zjarrit Shqipërisë?