Mbeshtetesi i Lulzim Bashes, Ferdinand Xhaferraj ishte mbrëmjen e sotme në emisionin “Arnautistan” në MCN TV nga ku foli për përplasjet e 8 janarit në selinë e PD.
Xhaferraj u shpreh nuk ka qenë dakord për blindimin e selisë së PD, ndërkohë që shton se nuk ka pasur asnjë motiv që kjo të ndodhte. Ai u shpreh se kriza në PD është krizë mes radikalizmit që përfaqëson Berisha dhe institucionalizmit që ka për detyrë të përfaqësojë Basha.
“Ajo që mua më ka tronditur ka të bëjë me faktin se në dy nga vendimmarrjet më të rëndësishme si djegia e mandateve dhe braktisja e zgjedhjeve ka pasur autor Berishën.
Basha e ka vuajtur dualizmin me Berishën, por në mënyrë deklarative është ndarë nga Berisha por në stil duet që do të marrë kohë.
Nuk është konsultuar për blindimin e selisë dhe nuk do isha dakord. Kriza e sotme është krizë mes radikalizmit që përfaqëson Berisha dhe institucionalizmit që ka për detyrë të përfaqësojë Basha.
Nuk kam qenë dakord që të bënte Kuvend më 18 dhjetor. Berisha nisi me Foltoret dhe vendosi për 8 janarin. S’ka pasur asnjë motiv të blindohej PD. Po kështu edhe në mbledhjen e Këshillit Kombëtar u promovuan disa kolegë të cilët do ti votoja, por sistemi duhet të vendoset mbi baza merite”, tha Xhaferraj./m.j
