Policia Rrugore e Tiranës ka vendosur 78 masa administrative ndaj këmbësorëve që kanë shkelur rregullat e qarkullimit rrugor gjatë 24 orëve të fundit. Kontrollet synojnë rritjen e sigurisë në rrugë dhe parandalimin e aksidenteve.
Shërbimet e Policisë Rrugore në Tiranë kanë vijuar kontrollet në terren për të evidentuar dhe ndëshkuar këmbësorët që nuk respektojnë rregullat e qarkullimit rrugor.
Sipas njoftimit të policisë, gjatë 24 orëve të fundit janë vendosur 78 masa administrative për shkelje të rregullave nga këmbësorët.
Në kuadër të këtyre kontrolleve, Policia Rrugore u bën apel qytetarëve të tregojnë më shumë kujdes gjatë lëvizjes në rrugë, të respektojnë sinjalistikën dhe të përdorin vendkalimet e përcaktuara për këmbësorët.
Gjithashtu, qytetarëve u kërkohet të shmangin kalimin e rrugës në vende të palejuara, me qëllim parandalimin e aksidenteve dhe mbrojtjen e jetës.
Policia bën me dije se kontrollet do të vijojnë edhe në ditët në vijim, në funksion të rritjes së sigurisë rrugore për të gjithë përdoruesit e rrugës.
