Dëgjoni dëshminë e 75-vjeçarit, një prej 12,100 pacientëve, të cilët në 2 vitet e fundit kanë realizuar falas dhe me sukses të plotë këtë ndërhyrje të rëndësishme për jetën e tyre.
Një vit në listë pritjeje, por dhe mbi 4 mijë euro i duhej Pal Ndokës, banor në Shkodër, për të kryer koronarografinë, të domosdoshme për të diagnostifikuar sëmundjen e tij, në një prej spitaleve private të vendit.
Sot, falë koronarografisë të realizuar me sukses në Spitalin Universitar “Shefqet Ndroqi”, si pjesë e paketave falas të Kardiologjisë dhe Kardiokirurgjisë me financim 100% nga qeveria në spitalet publike dhe private, jeta e Palit është rikthyer sërish në normalitet.
Për herë të parë, shërbimi i Koronarografisë dhe ndërhyrjeve të tjera miniinvazive në zemër, ofrohet tërësisht falas për pacientët edhe në spitalet e tjera universitare përveç QSUT-së dhe spitaleve private.
Hapja e këtij shërbimi të ri në SU “Shefqet Ndroqi”, dhe për herë të parë jashtë Tiranës edhe në spitalin rajonal të Shkodrës, ka bërë që koha e pritjes së pacientëve që kanë nevojë për këtë shërbim të shkurtohet nga 6 muaj apo 1 vit që ishte më parë, në 4 deri në 6 javë. Në saj të investimit prej 75 milionë lekësh në spitalin Rajonal të Shkodrës, janë kryer deri më sot 35 ndërhyrje koronarografie falas që prej fillimit të punës në muajin shtator.
Në 2 vite janë kryer me sukses 15,300 ndëryrje angiografie dhe angioplastike për kurimin flas të 12,100 pacientëve me sëmundje të zemër, përkundrejt, 3,710 procedurave të realizuara në dy vitet e fundit nga qeveria e mëparshme.
Ja si Rilindja rilind shpresën e njerëzve në nevojë!
