Liza Tabaku drejtoresha e Drejtorisë Arsimore të Lushnjes, që u kap në flagrancë për shkak se u merrte ryshfete arsimtarëve do të dalë shumë shpejt përpara gjykatës. Prokuroria e Lushnjes ka përfunduar hetimet dhe do të dërgojë për gjykim ish-drejtoreshën arsimore të këtij qyteti, Liza Tabaku, të akuzuar për “korrupsion pasiv”, më shumë se njëherë në rrethana rënduese dhe “Shpërdorim detyre”.
Tabaku, drejtoreshë e Arsimit në Lushnje, u akuzua se merrte rryshfet nga 3 deri në 5 mijë euro për të emëruar në punë një arsimtar ose për të mos i larguar ata që e kishin ndërkohë një vend pune. Tabakut në shtëpi iu gjendën 12 mijë euro, ndërsa tentoi të fshihte në banjon e komisariatit të policisë dhe 2 mijë të tjera që i kishte me vete në momentin e arrestimit
Bashkë me të, prokuroria e Lushnjes ka marrë të pandehur edhe djalin e saj, shtetasin Xhonluko Tabaku dhe shtetasin Rigert Zeneli, të akuzuar për “Ushtrimin e ndikimit të paligjshëm”.
Pas lajmit të arrestimit të saj në flagrancë, dyshimet u shtuan edhe më shumë duke arritur deri aty sa të mendohej se përveç ryshfeteve, mësuesveve femra u ishin kërkuar ehde favore seksuale përkundrejt mbajtjes së një vendi pune.
Drejtoresha e Drejtorisë arsimore të Lushnjes është arrestuar në muajin nëntor të vitit të shkuar nga policia e Lushnjes në bashkëpunim me sektorin kundër krimit ekonomik. Në momentin e arrestimit drejtoresha Tabaku kishte me vete 2 mijë euro të cilat u mundua ti zhdukte duke i hedhur në banjo.
Redaksia Online
(Javanews.al)
