Të shtënat me armë në një qytezë në jug të Gjermanisë i kanë marrë jetën 6 personave dhe kanë plagosur disa të tjerë. Ngjarja ndodhi pranë stacionit të trenit në qytezën Rot am See, rreth 100 kilometra në lindje të Shtutgartit.
Policia arrestoi autorin e sulmit me armë vetëm pak metra larg vendngjarjes, teksa përpiqej të largohej. Janë ende të paqarta motivet që e çuan atë të kryejë krimin, por dyshohet se ai ka pasur lidhje me njërën prej viktimave. Për momentin përjashtohet pista e terrorizmit. /e.s/
