Nënkryetarja e PD, Grida Duma mohoi zërat se Lulzim Basha do të kërkojë alibi për të mos marrë pjesë në zgjedhjet e pjesshme lokale.
“Nuk ka për të ndodhur. Vijojnë diskutimet për kandidatët. Deri tani ka një dakordësi për disa emra”, u shpreh Duma në Debat.
Ajo i konsideroi këto zgjedhje një eksperiment politik dhe tha se më i fituari deri në këto momente përsa i përket moslodhje dhe moskokëçarjes është Edi Rama.
“Unë mendoj që këto zgjedhje janë në një mënyrë apo në një tjetër një eksperiment politik për partitë dhe spektrin politik të Shqipërisë.
Padyshim që më i fituari në këto momente, sa i përket moslodhjes, moskokëçarjes shfaqet Rama pasi fokusi është te PD.
Fakti që kamerat janë vendosur te PD nuk do të thotë që problemet që ka Rama dhe keqqeverisja nuk janë të mëdha dhe shumë të mëdha”, u shpreh Duma./m.j
