“Duhet të vini shpirtin në paqe dhe të prisni”. Kështu nis shkrimi në faqen e Rai.it referuar problemeve që hasin gratë e prekura nga kanceri për të bërë një mamografi. Duhet pritur derisa të vijë telefonata për një prenotim, telefonatë e cila nuk dihet se kur vjen.
“10 korrik 2016? Pra…është rreth 120 ditë. Nuk ka asgjë më parë?” thotë paciantja.
Në fakt ëhstë mjaft e vështirë, shumë herë nuk gjen asnjë mundësi për më herët sa i takon mamografisë që zgjasin në shumicën e rasteve deri në 1 vit. Ndërkohë ekzaminimet okulistike kërkojnë 164 ditë pritje në radhë dhe ato ortopedike 189 ditë.
Këto janë disa nga të dhënat e mbledhura në spitalet e 10 qyteteve italiane.
Rezultati?
Shëndeti i italianëve nuk arrin të shpëtojë nga listat e pritjes.
Rekordet
Siç dihet jugu i Italisë është më pak i zhvilluar dhe atje konstatohet situata e rëndë, por referuar vëzhgimit probleme duket se ka kudo në vendin e Apenineve. Rekordin e pritjes e mbajnë mamografitë, por edhe llojert e ekzaminimeve të tjera nuk qëndorjnë pas. Në Cardarelli në Napoli duhen 478 ditë pritje, ndërkohë në Molinette të Torinos 441 ditë. Pritja është shumë e gjatë në zonat ku rastet e ekzaminimit me kancer janë më të rralla.
Edhe kryerja e rezonancës kërkon shumë kohë pritje në disa spitale italiane. Plot 289 ditë duhet të presësh në Galliera e Xhenoa, dhe 180 ditë në Palermo.
Në Lecce duhet të presësh 330 ditë për një eko abdominale, ndërkohë në Palermo pritja shkon 196 ditë për një eko gjinekologjike.
Në Spitalin Civil të Breshias 306 ditë shkon pritja për një ndërhyrje kirurgjikale të bajameve.
