Janë denoncuar disa herë raste flagrante të mësuesve të cilët ose janë kapur duke goditur nxënësit, ose janë kapur duke thyer rregullat, ose kanë treguar mungesë profesionalizmi dhe arsimimi në fushën ku japin mësim.
Një baba nga Mallakastra tregon për JOQ rastin flagrant të një mësueseje e cila në vend që tua japë ajo tabelën e shumëzimit nxënësve në klasën e dytë u thotë të blejnë tabelën e mëposhtme të shumëzimit. Mirëpo pas kësaj babai u përball me një surprizë aspak të këndshme.
Ja çfarë shkroi ai për redaksinë e JOQ.
”Mirëmbrëma, u ula sot të ndihmoja me detyrat djalin tim të vogël që është në klasë të dytë. Teksa po përsëriste tabelën e shumëzimit e pyes se sa bëjnë 3×5. Djali më thotë 18 dhe ishte i bindur se kështu i kishte thënë mësuesja e tij. Teksa përpiqesha ta bindja se nuk bëjnë 18, por 15 fëmija im më tregoi se mësuesja i kishte thënë të blinte këtë tabelë shumëzimi, ku siç e shikoni vërtet shkruhet, 3×5=18. Doja ta tregoj shqetësimin tim dhe të shumë prindërve si unë. Ju lutem postojeni denoncimin e një prindi të shqetësuar për të ardhmen e fëmijës së tij.”
