Aleksandar Vuçiç, kryeministri i Serbisë, në fund të qershorit do të vizitojë Shtetet e Bashkuara, ku do të pritet nga zëvendëspresidenti amerikan Joseph Biden, për të diskutuar marrëdhëniet midis dy vendeve dhe të ardhmen e Serbisë.
Kjo vizitë, siç shkruajnë mediat serbe vlerësohet si shumë e rëndësishme për Serbinë, sepse temat që do të diskutohen do të jenë shumë të nxehta.
Mendohet se Biden do të ndihmojë Serbinë për të hequr kushtin gjerman për integrimi në Bashkimin Evropian.
Por në këtë takim nuk mund të mos flitet për Kosovën. Vuçiç do të kërkojë nga zëvendës presidenti amerikan që njohja e Kosovës të mos jetë kusht për integrimin e Serbisë në BE. Gjithashtu një tjetër temë diskutimi do të jetë dhe marrëdhënia e Beogradit me Moskën, si dhe një afrim të mundshëm me NATO-n.
Redaksia Online
(JavaNews.al)
