Një sasi e konsiderueshme droge e llojit marijuanë është kapur sot në Brindizi të Italisë, ndërsa në pranga ka rënë një shtetas shqiptar. Informacionet e para flasin për 450 kg lëndë narkotike brenda një fugorni.
Mësohet se droga ishte spërkatur me benzinë që të mos nuhatej nga qentë e policisë.
Droga ka mbërritur me anijen “Red Star” e cila ishte nisur nga Vlora. Ajo ishte e ndarë në 300 pako, ndërkohë që autoritetet italiane pritet të zbardhin detaje shtesë mbi lëndën narkotike të sekuestruar sot.
Deri tani, Prokuroria italiane konfirmon të arrestuarin, Perlat Çarçani, 47 vjeç. Shtetasi në fjalë ka lindur në Vlorë dhe po udhëtonte me një Iveco Daily .
