Nis sot dorëzimi i dokumentave në AKKP për marrjen e kompensimit nga pronarët toka e të cilëve është zënë nga ndërtimet pa leje. Agjensia e Trajtimit të Pronave njofton hapjen e aplikimeve për fondin 4 milionë dollarë të vënë në dispozicion nga ALUIZNI. Janë 556 familje në 7 qarqe të vendit përkatësisht në Elbasan, Korçë Kukës, Lezhë, Vlorë, Tiranë dhe Durrës të cilat do të përfitojnë 70% të vlerës që ka prona e tyre. Agjensia e trajtimit të Pronave njofton fillimin e procesit të pranimit të kërkesave për shpërndarjen e kësteve për kompensimin e pronarëve të pasurive të paluajtshme, pronë privat që prken nga ndërtimet informale, emrat e të cilëve janë miratuar me vendim qeverie. Pranimi i kërkesave të përfituesve nis nga 18 gushti 2016 dhe nuk do të jetë i kufizuar në afat.
Dokumentet që duhet të dorëzuar për të plotësuar dosjen e cila mundëson më pas marrjen e vlerës në para:
- Kërkesa tip që i vihet në dispozicion nga ATP
- 2 Dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil.
- Prokurën e posaçme, të nënshkruar nga të gjithë subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre. Në rastet kur nuk është e mundur të dorëzohet prokura e posaçme, secili bashkëpronar apo një pjesë e tyre, paraqesin kërkesë individuale, apo të përbashkët, për pjesën takuese në pronën që kompensohet.
- Vërtetimin origjinal të lëshuar nga një bankë e nivelit të dytë për hapjen e llogarisë bankare.
- Fotokopjen e dokumentit të identifikimit.
- Çertifikatën familjare të aplikuesit.
- Mandatpagesën për shumën 2000 lekë për çdo aplikim të veçantë.
ma.me
