Gazetari Frrok Çupi ka qenë i ftuar mbrëmjen e sotme në emisionin të Vaksinuarit me Aulon Kalanë në Fax News. Në fillim, gazetari Çupi ka folur për gazetën e parë anti-komuniste Rilindja Demokratike, që në datë 5 janar festoi 31-vjetorin e krijimit.
Frrok Çupi, ish-kryeredaktor i RD-së, ka kujtuar momentet e vështira kur doli për herë të parë kjo gazetë. Ai ka risjellë për publikun dhe një përplasje me ish-kryeministrin Berisha.
Çupi pretendon se e ka nxjerrë nga shtypshkronja Sali Berishën, pasi ky i fundit ‘kishte një zakon të keq’ që tentonte të ‘fuste duart’ në gazetë dhe Çupi nuk e kishte lejuar.
Frrok Çupi: Askush nuk ka faj prej tyre. Këto që po ndodhin kanë lënë pas vlerat e demokracisë. Botimi i gazetës së parë anti-komuniste, ose gazetë e lirë, në kulmin e egërsisë së diktaturës ishte një ngjarje shumë e madhe, sa tronditi dhe botën tjetër me lajme. Mua menjëherë më ftuan shoqatat gjermane dhe holandeze, dhe na shikonin si një gjë të çuditshme. Kështu ajo qe një gjë, ngjarja e vërtetë demokratike në Shqipëri.
Gazeta ka dalë në 5 janar në mëngjes. Ishin procedurat e kohës. Nuk kishim letër. Kryetar i gazetës ka qenë filani dhe mua më njihnin. Nuk e harroj dot, kaloja në disa librari dhe njerëzit që në mesnatëe kishin zënë radhën për të marrë gazetën. Më shikonin mua dhe kuptonin që nuk ka gazetë. Qeveria na dha letër, ishte monopol shtetëror. Na dha aq letër sa për të qene barabartë me zërin e popullit, 100 mijë kopje.
Ne dilnim deri në 130-140 mijë kopje në ditë dhe nuk mbeste asnjë gazetë. Gazeta shkonte dorë më dorë. Ishte moment shumë i rëndësishem. Ajo gazetë u themelua mbi principe demokratike. Kishte nje bord me intelektualët më të mirë që kishte vendi. Bordin e ndërtuam sikur ta dinim që do kishim rrezik nga partia. Gazeta ishte ajo që theu frikën dhe diktaturën.
Madje vetë liderët historikë në PD kanë pranuar se pa RD nuk do kishte PD dhe demokraci. Gazetat në shoqeritë dobëta post komuniste kanë rrezikun e madh. Liderët e partive shkatërrojnë gazetën. Unë hyra në konflikt me Sali Berishën që në 90-tën sepse tentoi të fuste duart në gazetë dhe une detyrohesha ta nxirrja jashtë nga shtypshkronja. Kishte një zakon të keq…
Nga ora 2 deri nga ora 5 punëtorët pushonin pak. Berisha shkonte atje dhe fuste lajm të tijin. Futi një herë grusht shteti në shkollën e bashkuar. Nja dy herë e gjeta aty dhe i thashë ngrehu nga këtu e shko në parti, ti nuk ke punë në gazetë. Ne jemi popull shumë i dashuruar me demokracinë. Por ndërkohë krijohet përshtypja sikur ne dhunojmë njeri-tjetrin./m.j
