“Zona e Iballës e bllokuar, akoma nuk është zgjidhur problemi i operatorit që duhet të zhbllokojë rrugën. Bashkia do të marrë masa që sonte për të ndërhyrë për zhbllokimin e rrugës.
Minatorët e bllokuar në Iballë janë në gjendje të mirë, kam folur vetë në telefon, nesër do të bëjmë çlirimin e tyre nga kjo situatë” deklaroi ai.
Përsa i përket situatës në këtë zonë, Ndreu theksoi se situata është mjaft problematike, pasi ka disa zona të bllokuara, ndërsa kërkoi nisjen e hetimeve për operatorët që duhet të bënin kriposjen e rrugës, pasi ndërhyrja e tyre ka qenë shumë me vonesë.
“Situata është problematike, njerëzit janë të izoluar. Probleme në disa zona me energjinë.
Papërgjegjshmëri e disa operatorëve që merren me rrugët në Pukë dhe Fushë Arrëz, pasi nuk kanë hedhur kripë dhe ndërhyrja ka qenë e vonuar dhe jo vetëm që nuk janë hapur rrugët, por kanë mbetur dhe vetë atje.
Operatorët kanë treguar neglizhencë dhe papërgjegjshmëri, kanë ndërhyrë kur niveli i dëborës shkoi 70 cm, organet kompetente të merren me këta, pasi po marrin paratë e taksapaguesve dhe sillen në këtë mënyrë.
Mbrëmë ka pasur njerëz që kanë mbetur në Qafë Mali për shkak të neglizhencës së këtyre që nuk e bëjnë punën e tyre. Secili duhet të marrë përgjegjësinë e tij” deklaroi ai.
Sot pasdite në fshatin Levosh, Njësia Administrative Iballë në Pukë në një ndërmarrje kromi janë bllokuar tre punëtorë.
Sipas Strukturës së Emergjencave Civile po bëhen përpjekje për të siguruar transportimin e tyre për në banesat./a.m.
