Donald Trump ka mohuar akuzat se ka përdhunuar një adoleshente.
Trump, që aktualisht udhëheq garën e nominimeve mes republikanëve, akuzohet se e ka sulmuar viktimën e tij së bashku me pedofilin e dënuar, pasanikun Jeffrey Epstein.
Pretendimet bombastike mund të ndikojnë në shpresat e Trumpit për t’u zgjedhur në Shtëpinë e Bardhë në nëntor.
Biznesmeni miliarder u përgjigj mbrëmjen e shkuar duke thënë se akuzat janë false.
Viktima ka ngritur një padi dhe kërkon dëmshpërblim prej 100 milionë dollarësh.
Viktima është identifikuar si Kate Johnson dhe pretendon se do të mbrojë veten në gjykatë.
Ajo thotë se Trump, së bashku me miliarderin Epstein, kanë abuzuar seksualisht me të, nën kërcënimin e lëndimit.
Sipas saj, ajo është joshur me premtime për para dhe karrierë në modeling, për të marrë pjesë në orgji me minorene në apartamentin e Jeffrey Epstein në New York.
Ajo pretendon se është detyruar të performojë një akt seksual me Donald Trump, 69 vjeç, dhe është përfshirë në një akt seksual lesbik të pazakontë me një ‘skllave seksi minorene’.
Ajo pretendon se takimi i katërt dhe i fundit seksual me Trump përfundoi me përdhunim.
Sipas saj, këto kanë ndodhur në periudhën mes qershorit dhe shtatorit të vitit 1994.
Në atë kohë ajo thotë se ishte 13 vjeç.
