Tirana është veshur me ngjyrat e dashurisë, teksa çiftet festojnë Shën Valentinin në rrugët e kryeqytetit. Atmosfera festive ndihet kudo, me zbukurimet romantike që pasurojnë qytetin.
Të dashuruarit ecin dorë për dore duke shkëmbyer buzëqeshje dhe dhurata simbolike të dashurisë.
Një nga vendet më të frekuentuara gjatë 14 shkurtit janë padyshim dyqanet e luleve. Pronarët e këtyre bizneseve thonë se “interesimi për buqeta ka qenë i lartë”.
“Shumë çifte zgjedhin të dhurojnë lule, sidomos trëndafila të kuq, si simbol i dashurisë”, thotë një pronar dyqani lulesh.
Megjithatë, festimet nuk kanë kaluar pa ndikimin e rritjes së çmimeve, por kjo nuk i ka ndaluar të dashuruarit që të surprizojnë njëri-tjetrin.
Përveç luleve, dhuratat më të zakonshme mbeten çokollatat, aksesorët personal dhe darkat romantike në restorantet e qytetit të cilat kanë qenë të rezervuara prej ditësh.
Shën Valentini, edhe këtë vit, dëshmon se dashuria vazhdon të mbetet një nga emocionet më të bukura që i bashkon njerëzit.
