Sekretari i Përgjithshëm i NATO-s Mark Rutte tha të premten se vendet evropiane duhet të paraqesin plane konkrete për Ukrainën nëse duan të kenë një rol në një marrëveshje paqeje për vendin.
“Ajo që miqtë e mi evropianë duhet të bëjnë është të dalin me plane specifike (…) dhe më pas ata do të kenë një vend në diskutim,” theksoi ai përpara Konferencës së Sigurisë në Mynih.
Ukraina dhe perspektivat për bisedimet e paqes kanë qenë temë diskutimi ditëve të fundit, pasi presidenti amerikan Donald Trump befasoi aleatët duke zhvilluar një telefonatë me presidentin rus Vladimir Putin, dhe duke njoftuar fillimin e bisedimeve për t’i dhënë fund luftës në Ukrainë.
