Chelsea me një këmbë në çerekfinale të Champions League. Kampionët në fuqi të këtij kompeticioni likuiduan francezët e Lille me rezultatin e pastër 2-0 dhe janë shumë pranë kualifikimit.
Londinezët e nisën ndeshjen në sulm dhe në tentativën e dytë gjermani Havertz e dërgoi topin e në rrjetë, në minutën e tetë. Goli i shpejtë i dha krahë Chelsea, që u mundua të shënonte e golin e dytë.
Në 45 minutat e para nuk erdhi. Në të 63′ ishte Pulisic ai që ndëshkoi Lille me golin e qetësisë. Tani Chelsea mendon për ndeshjen e kthimit në Francë.
Takimi tjetër, mes Villareal dhe Juventus ka përfunduar në barazim 1-1. Bardhezinjtë e zhbllokuan ndeshjen në minutën e parë me anë të Dusan Vlahovic dhe direkt u tërhoqën.
Shtylla i shpëtoi nga një gjuajtje e Lo Celso në pjesën e parë, që nuk pati gol tjetër. Në të dytën ishte Parejo ai që ndëshkoi Juventusin dhe i hoqi fitoren. Kualifikimi do të vendoset në Torino.
g.kosovari
