Partia Demokratike ka vijuar sot akuzat ndaj kryeministrit Edi Rama për atë që e cilëson afera “Skavica”. Në një deklaratë për mediat, Sekretarja e Marrëdhënieve me Publikun në PD, Grida Duma, tha se kreu i Qeverisë e ka konfirmuar këtë aferë me deklaratën e djeshme të ministrit Gjiknuri.
“Edi Rama e konfirmoi dje me deklaratën e Gjiknurit aferën Skavica. Ministri i energjitikës pohoi se “investitorit” të Ahmetaj, i janë dhënë 8 pikë bonus, çka do të thotë se ai është paracaktuar si fitues. Rama duhet ta ndajë mendjen, cili nga ministrat gënjen, Ahmetaj që pranon se investitori është caktuar, apo Gjiknuri i cili mohon Ahmetajn por thotë që investitorit i ka dhënë bonusit maksimal. Në fillim, kur Partia Demokratike paralajmëroi këtë negociatë të dyshimtë, Edi Rama e mohoi”. – tha Duma.
Por i menjëhershëm ka qenë reagimi i këshilltarit të Kryeministrit, Endri Fuga. Sipas tij, është PD ajo që po gënjen për rastin në fjalë.
“Nuk gënjejnë ministrat, por SHQUPI. Kompanite kane shprehur interes dhe po ndjekin procedurat. Qeveria garanton transparence, SHQUP-i shpifje” – shkruan Fuga ne Twitter.
