Ministri i Transportit dhe Infrastrukturës Edmond Haxhinasto ka inspektuar një pjesë të segmetit Rrogozhinë- Kapshticë, ku kanë filluar punimet për përmirësimin e sinjalistikës rrugore. Ministri ju bëri thirrje gjithë subjekteve private që reklamojnë aktivitetit e tyre pa autorizim, të kenë kujdes pasi nuk do të ketë asnjë lloj tolerance ndaj këtyre veprimeve, që shkaktojnë dëmtime në akset rrugore.
Fjala e plotë e Haxhinastos
Ky është një nga 2 segmentet më të rëndësishëm që kemi për vitin 2015, për përmirësimin e sinjalistikës rrugore, është segmenti Rrogozhinë Kapshticë, me vlerë 800 milion lekë të reja,. Ky projekt parashikon elemente të standarteve më të fundit të sinjalistikës që do ndikojnë në mënyrë të ndjeshme në përmirësimin e sinjalistikës rrugore dhe në uljen e ndjeshme të aksidenteve, vëçanërisht atyre me plagosje të rënda dhe me vdekje. Shumë e rëndësishme të kuptohet nga qytetarët, që ky investim realizohet nga taksapaguesit shqiptar, janë kontributet e tyre, dhe pastrimi i këtij muri ndikon në sigurinë e drejtpërdrejtë të rrugës. Para pak kohe, janë bërë disa amendime përsa i takon gjobave dhe masave të tjera që lidhen me dëmtimin dhe shkarravitjen e rrugës, tashmë parashikohen gjoba që janë në vlerë nga 25 deri në 100 mijë lekë të reja. Nuk ka arsye që të shkarravitet kjo pronë kjo vepër pulike, dhe ju bëj thirrje subjektete që zgjedhin të bëjnë reklamimin e aktivitetit të tyre pa autorizim, duke shkarravitur perimetrin e rrugës, duke dëmtuar këtë investim që realizohet me paratë publike të kenë kujdes pasi do të penalizohen me gjoba. I bëj thirrje qytetarëve dhe banorëve të zonës, të mos e dëmtojnë këtë rrugë, të mos heqin reflektorët që vendosen këtu dhe forcojnë sigurinë rrugore. Duke përfituar nga rasti i bëj thirrje gjithë përdoruesve të rrugës, drejtuesve të automjeteve, festat po afrojnë të mos ti japin automjeteve nën efektin e alkoolit, pasi kështu dëmtojnë jetën e tyre, jetën e të tjerëve dhe dëmtojnë mirëqënien e familjeve të tyre. Segmenti tjetër i rëndësishëm është Fushë Krujë-Hani i Hotit dhe degëzimi drejt Muriqanit, një investim që do të rrisi shumë cilësinë e rrugëve tona dhe sigurinë. Vetëm në këtë segment eliminohen 38 pika nga ato që quhen pikat e zeza, pika të rrezikshme për përdoruesit e rrugës, gjë që është shumë e rëndësishme për të sjellë më shumë siguri në rrugë. Për vitin e ardhshëm shumë e rëndësishme është projekti i madh që ne kemi konceptuar dhe mbështetur nga Banka Botërore, për të mirëmbajtur 1300 km të akseve kryesore kombëtare, që jam i sigurt do të sjelli standart europian në mirëmbajtjen e rrugëve dhe sigurinë.
