Kryeministri Edi Rama iu bëri thirrje emigrantëve në Kretë që të investojnë në tokat e tyre, dhe të përfitojnë nga Paketa e Maleve.
Kreu i qeverisë tha se ata kanë dijet dhe eksperiencën e duhur, dhe se nëpërmjet Paketës së Maleve, nëse përfshihen në 500 aplikantët e parë, nuk do të kenë detyrime për shtetin për 10 vite.
“Për këdo që do të investojë në Shqipëri, ligji thotë që për 500 aplikantët e parë janë 10 vite pa taksë, pa TVSH pa asnjë lloj detyrimi ndaj shtetit. Ky ishull ka një turizëm të zhvilluar, por ata që presin nisjen e sezonit për të punuar këtu, u them të interesohem sa janë pagat edhe në Shqipëri, sepse kam përshtypjen që në të shumtën e herës ju del më mirë atje se sa këtu.
Për të mbështetur investimet në fshat, Banka e Shqipërisë ka haur edhe një linjë kredia e cila nis me 250 mln euro total dhe kushdo që do të ketë akses në atë linjë kredia që 70 përqind e kolateralit sigurohet nga shteti dhe ka interes më pak se 3 për qind, është i ftuar të na drejtohet për ta marrë këtë mbështetje.
Ka shembuj njerëzish plot që janë kthyer dhe të gjithë thonë që u del më mirë llogaria”, u shpreh kryeministri Rama.
