Kryetari i Bashkisë së Tiranës, Erion Veliaj, ka ndarë një lajm të mirë për 1100 familje të kryeqytetit që përfituan kredi të butë për blerjen e një shtëpie të re. Vendimi u miratua këtë javë nga Këshilli Bashkiak, si pjesë e një prej nismave më të rëndësishme sociale që Bashkia ka ndjekur ndër vite.
“Shumë urime 1100 familjeve të Tiranës që përfituan kredi të butë për blerjen e një shtëpie të re, pas miratimit të propozimit tonë nga Këshilli Bashkiak këtë javë.
Në 10 vjet kemi marrë plot vendime të tilla solidare, në mbështetje të çifteve të reja, familjeve të pastreha apo në nevojë, ndaj më vjen mirë që këtë praktikë po e vazhdojmë si një traditë për të ndihmuar këdo e në çdo moment.
Tirana nuk lë pas askënd”, shkruan Veliaj.
