Dhoma e përbashkët e Tregtisë Shqipëri-Serbi është celebruar mbremjen e së enjtes, në kuadër të Panairit Ndërkombëtar të Tiranës, organizuar nga Klik Ekspo Group, ku biznesi serb prezantohet me një pavion të vecantë.
Ministri i Transportit dhe Infrastrukturës, Sokol Dervishaj duke përshëndetur krijimin e Dhomës së përbashkët të Tregtisë Shqipëri-Serbi, u shpreh se formalizimi i kesaj dhome tregtie do te afroje bizneset e dy vendeve tona dhe do te beje me shume se sa kemi bere ne politikanet per ekonomine.
Ai shprehu mbështetjen për rrugëtimin e ketij e te ardhmen e ketij institucioni.
Luan Bregasi Kryetar i Biznes Albania dhe homologi i tij serb Miroyub Aleksio, në ceremoninë e zyrtarizmit të Dhomës së përbashkët të Tregtisë Shqipëri-Serbi, u shprehen se, ky është një hap në ndihmë të biznesit të të dy vendeve, që kontribuon në të mirë të ekonomive të shteteve respektive.
Gjatë fjalës së tij Bregasi falenderoi Ambasadorin e Serbisë në Shqipëri për kontributin dhe mbështetjen që i ka dhënë krijimit të Dhomës së përbashkët të Trgetisë Shqipëri-Serbi, e cila do të jetë e aftë të bëjë më shumë për sipërmarrjen.
Ndersa kryetari i Dhomes se Tregtise se Serbise, Miroyoub Aleksisu shprehu bindjen se ky bashkëpunim i ri mes bizneseve do të shtojë shkëmbimet tregtare mes dy vendeve dhe do të jetë një institucion në mbështetje të interesave të biznesit.
Krijimi i shoqatës së përbashkët është iniciuar nga biznesmenë të Serbisë si dhe është mbështetur nga Dhoma e Tregtisë së Shqipërisë, Dhoma e Tregtisë së Tiranës, si dhe shoqatave të tjera të biznesit në Shqipëri.
Prezenca e kompanive serbe në Panairin “Klik Ekspo Group” ka kaluar më shumë se një 10 vjeçar. Tashmë çdo vit më shumë se 30 kompani zgjedhin të ekspozojnë produktet e tyre në eventin më të rëndësishëm që organizohet në Shqipëri; Panairin Ndërkombëtar të Tiranës.
Këtë vit Serbia shënon dekadën e dytë të pranisë së saj në Shqipëri. Plot 12 vite që prej 2004-ës sipërmarrja serbe qëndron në majë të statistikave të kompanive që marrin e japin me kundërpalët vendase me fokus në industrinë e lehtë, me bujqësinë dhe blegtorinë, tekstilin, mobiliet, përpunimin e metaleve, gjithnjë nën kujdesin e Dhomës së Tregtise me Jashtë të Serbisë, USAID, dhe Velexpo.
Panairi qe celi dyert sot ne Palltin e Kongreseve përveç se do të prezantojë në tregun shqiptar, sipërmarrësit më në zë serbë, do të ndikojë edhe në forcimin e lidhjeve ekonomike dhe rritjen e shkëmbimeve tregtare midis dy vendeve; duke lënë mënjanë frikërat dhe barrierat e vjetra politike. Pjesëmarrja e Serbisë për më shumë se një dekadë në Panairin Ndërkombëtar të Tiranës është një rast shumë i mirë për të vërtetuar teorinë e lartpërmendur, të një bashkëpunimi të frytshëm ekonomik mes dy vendeve tona.
Përveç turizmit dhe energjetikës, Dhoma Ekonomike e Serbisë e sheh potencialin e investimeve në Shqipëri në projektet e ndërtimit, por edhe në kërkimin e tregjeve të reja. Falë organizimit të eventeve të tilla biznesore si Klik Ekspo Group, edhe tregtia mes vendeve vjen duke u rritur.
Sipas Instat shkëmbimet e vitit të kaluar me Shqipërisë dhe Serbisë janë 95,8 milionë euro eksport nga Serbia dhe 13,6 milionë euro eksport nga Shqipëria. Kryesisht nga ky shtet ne importojmë produkte ushqimore, bujqësorë, materiale ndërtimi ndërsa ne eksportojmë kryesisht mallra ushqimore. Ndërkohë nje vend te konsiderueshëm zë import-eksporti i energjisë elektrike.
Serbia është edhe një lloj qendre Ballkanike e bizneseve të huaja që funksionojnë në Evropën Juglindore, ndaj pjesëmarrja e saj në panairin e bizneseve Klik Ekspo Group është e një rëndësie të veçantë./lexo.al/
