Zv.ministrja e Brendshme Voda priti sot Freddy Roosemont, Drejtor i Përgjithshëm i Zyrës së të Huajve në Belgjikë, me qëllim rritjen e thellimin e bashkëpunimit për të parandaluar e frenuar fenomenin e azil kërkimit të shtetasve shqiptarë në Belgjikë.
Në fokus të takimit ishte pikërisht çështja e migracionit, çështjet e migracionit të paligjshëm të shtetasve shqiptarë drejt vendeve të BE, po kryesisht, sigurisht shtetit belg.
“Gjatë takimit u vlerësua bashkëpunimi i frytshëm gjatë vitit 2018 dhe palët u angazhuan që këtë bashkëpunim ta mbajnë dhe forcojnë edhe më tej gjatë vitit në vijim. Gjatë vitit 2018, numri i kërkesave për azil të shtetasve shqiptarë në Belgjikë, ra me rreth 20 %. Ndërsa numri i shtetasve të riatdhesuar është rreth 540 shtetas përgjatë 2018, përmes fluturimeve të posaçme”, tha Voda.
Po asht ajo shtoi se gjatë vitit 2018, kemi një rënie që është një shenjë shumë e mirë, të kërkesave për azil të shtetasve shqiptarë drejt Belgjikës.
Më tej, Voda tha se kemi pasur një bashkëpunim shumë të mirë përsa i përket rritjes së numrit të operacioneve të riatdhesimit dhe gjithashtu Roosemont tha që do të kemi dhe mbështetjen tonë për sa i përket vazhdimit të një fushate intensive komunikimi në të gjithë territorin e Republikës së Shqipërisë me shtetasit shqiptarë për t’i informuar ata për pasojat e migracionit të paligjshëm. I njëjti bashkëpunim i mirë si gjatë vitit 2018 do të vazhdojë edhe në vitin 2019 dhe ajo çfarë ne u bëjmë thirrje besoj të gjithë shtetasve shqiptarë edhe njëherë është: Mos migroni në mënyrë të parregullt pasi shanset për të kërkuar azil në Belgjikë janë zero! Ju lutem përdorni rrugët e ligjshme, rrugët e migrimit të sigurt!”
Nga ana e tij, Drejtorit Roosemont u shpreh se “kam ardhur këtu për të falënderuar autoritetet shqiptare për bashkëpunimin shumë të mirë. Kemi punuar shumë mirë së bashku vitin e kaluar dhe jam tepër i sigurt që ky bashkëpunim shumë i mirë do të vazhdojë edhe në të ardhmen”.
“Shqipëria është një vend i sigurt, një vend demokratik, një vend që nuk ka probleme. Për këto arsye u rekomandoj shtetasve shqiptarë që vijnë në Belgjikë, të vijnë si udhëtarë normalë për çështje biznesi, turistike, për të takuar familjarët e tyre në Belgjikë, por jo për të paraqitur kërkesë për azil”, tha ai.
Gjithashtu, Roosemont theksoi se gjatë vitit 2018 edhe shifrat e refuzimit në kufi, edhe shifrat e riatdhesimit të shtetasve shqiptarë janë ulur ndjeshëm dhe jam i sigurt që në rast se shtetasit shqiptarë do të reflektojnë ndaj kësaj dukurie”. /a.rada
