Sipas zyrtarëve të qytetit në Mariupol, pushtuesit rusë kanë filluar të zhvarrosin trupat e varrosur në oborret e zonave të banuara.
Këshilli i qytetit të Mariupol tha në Telegram se pushtuesit rusë nuk po i lejojnë banorët të varrosin personat që pretendohet se janë vrarë nga pushtuesit. Çdo oborr tani ka një mbikëqyrës për të zbatuar këtë rregull.
Sipas Ukrainës, ka 13 krematoriume të lëvizshme në Mariupol dhe autoritetet e qytetit dyshojnë se rusët po përpiqen të mbulojnë krimet e luftës.
Kjo nuk është verifikuar ende, por ajo që dihet është se shtatë javë bombardime të pamëshirshme ruse, uria dhe temperaturat e ngrira kanë lënë të vdekur mijëra banorë të Mariupolit.
/a.r
