Mikhailo Podolyak, këshilltar i kreut të Zyrës së Presidentit, ka deklaruar se Ukraina nuk kishte asnjë lidhje me hedhjen në erë të makinës ku ndodhej vajza e Aleksandër Dugin, e cila humbi jetën.
Vajza e aleatit më me ndikim të Presidentit rus, Vladimir Putin, vdiq në një shpërthim automjeti të zjarrtë pranë Moskës.
Hetuesit thanë se kishin hapur një rast vrasje pasi përcaktuan se shpërthimi ishte shkaktuar nga një mjet shpërthyes.
Dugin është një filozof politik i vetë-edukuar i njohur për nxitjen e një vizioni të një Rusie më të fuqishme dhe agresive.
Ai e ka mbështetur me entuziazëm luftën e Putin-it në Ukrainë dhe shpesh përshkruhet si “truri i Putinit”, megjithëse marrëdhënia e tyre aktuale është e komplikuar.
Dugin është vënë në shënjestër të sanksioneve nga Shtetet e Bashkuara për mbështetjen e militantëve në Ukrainën lindore.
Vajza e tij ndau pikëpamjet e babait të saj dhe i promovoi ato si spikere në radio dhe TV.
Në korrik, qeveria britanike vendosi sanksione ndaj saj, duke e cituar atë si një “kontributore të shpeshtë dhe të profilit të lartë të dezinformatave në lidhje me Ukrainën dhe pushtimin rus të Ukrainës në platforma të ndryshme online”.
Sipas mediave ruse të lajmeve, vetë Dugin mund të ketë qenë objektiv i një atentati që gabimisht vrau vajzën e tij.
Të shtunën mbrëma, thuhet në raportet, vajza po ngiste makinën e babait të saj.
Zakhar Prilepin, një shkrimtar i njohur konservator, tha në një postim në kanalin e tij Telegram se Dugin dhe vajza e tij ishin në një festival të shtunën, por u larguan me makina të ndryshme.
Imazhet dhe videot që qarkullojnë në mediat sociale ruse tregojnë një automjet të përfshirë nga flakët dhe pjesët e makinave të shpërthyera përgjatë rrugës.
Një burrë që dukej se ishte Dugin, ecte përpara dhe mbrapa, duke mbajtur duart në kokë, ndërsa kamionët e zjarrfikësve nxituan për të shuar flakët. TEMA
