Masa e arrestit me burg për krerët e PD në Librazhd, Elbasan dhe Prrenjas ka bërë që Lulzim Basha të reagojë sërish këtë dielë, këtë radhe përmes një konference.
Edhe pse opozita joparlamentare proteston prej katër muajsh, Basha tha se është pikërisht Edi Rama ai që po ushtron dhunë në rrugë. Kryedemokrati e lidhi këtë me shoqërimin e disa militantëve të PD dhe LSI që kanë goditur eskortën e kryeministrit.
I paprecedentë ishte edhe një thirrje e Bashës për policinë, prokurorinë dhe gjykatat. Ai tha se do të jenë pikërisht ata që nesër do të shoqërojnë Ramën, por edhe do të përgjigjen. Ndërkohë, Basha u kërkoi të mos i shoqërojnë protestuesit e dhunshëm.
Ai tha se me këtë akt opozita nuk trembet, ndërsa paralajmëroi gjyqtarët dhe prokurorët duke u kujtuar atyre përballjen me drejtësinë.
“Opozita nuk frikësohet, nuk trembet, nuk tërhiqet. Unë, të gjithë demokratët në cdo cep të Shqipërisë dhe gjithë qytetarët e bashkuar do ta luftojë këtë qeveri kriminale derisa Edi Rama dhe të gjithë kriminelët e tij të dalin para drejtësisë së vërtetë.
Dua t’u drejtohem të gjithë policëve, prokurorëve dhe gjykatësve të Elbasanit. E dini fare mirë se çfarë është ligji dhe drejtësia. Edi Rama mund t’u ketë premtuar se do t’ua falë korrupsionin dhe shkeljet ligjore, do të kaloni vettingun. Unë ju premtoj se shpesh do ta shoqëroni Edi Ramën para drejtësisë” – tha Basha.
/javanews/a.r
