Manchester United ia ka vazhduar kontratën mbrojtësit të djathtë Antonio Valencia
Skuadra angleze, Manchester United ka njoftuar se ylli i skuadrës, Antonio Valencia e ka vazhduar kontratën deri në vitin 2019. Lojtari ka mundësi vazhdimi edhe për një vit tjetër, nëse të dy palët arrijnë marrëveshje.
“Manchester United është i lumtur të ju njoftoj se Antonio Valencia ka nënshkruar kontratë, e cila do ta mbaj atë në skuadër deri në qershor të vitit 2019, me mundësi vazhdimi edhe për një tjetër”, thuhet në njoftimin e Unitedit.
Në anën tjetër, lojtari ndjehet shumë i lumtur dhe thotë se Unitedi ka qenë jeta e tij që nga viti 2009. “Manchester ka qenë jeta ime që nga viti 2009 dhe jam shumë i lumtur që kam nënshkruar kontratë të re.
Do të doja të falënderoja trajnerin për besimin që më ka dhënë këtë sezon dhe jam i sigurt se do të jem konkurrues edhe në vitet në vazhdim”, tha Valencia për faqen e Unitedit.
Ndërsa trajneri Jose Mourinho e pranoi se e ka admiruar Valencian shumë kohë para se të vinte në United, sepse është një lojtar fantastik, përgatiti “Express”. (b.an)
