EKSKLUZIVE / Drejtuesit e lartë të PD-së, kanë vendosur hapin partinë në drejtm të zgjerimit të koalicioneve për zgjedhjet e ardhshme parlamentare. Aktualisht PD-ja është në koalcion me PR-në dhe LZHK-në, parti këto parlamentare. Ajo ka nisur negociatat konkrete edhe me PBDNJ-në, si forcë politike parlamentare, që të bëhet pjesë e aleancës me demokrët. Përpos këtij realiteti, krerët e PD-së i kanë bërë thirrje FRD-së së drejtuar nga Bamir Topi, të bëhen pesë e koalicionit opozitar. Por paralelsht me përpjekjet për zgjerimin e koalicionit, kanë filluar të ravijëzohen edhe problematikat se mbi çfarë kushtesh dhe ofertash do të bëhet ky zgjerim. A është e mjaftueshme që të jesh vetëm kundër qeverisë që të jesh pjesë e koalicionit me PD-në? A ka një ofertë konkrete PD- ja ndaj aleatëve të vjetër apo të rinj, me të cilët po kërkon të zgjerojë koalicionin opozitarë? Çështja e mandatit të deputetëve për kryetarët e partive aleate brenda koaliconit të PD-së, duket si më joshja për mjaft kryetar partish të vogla, të cilët e kanë të qartë se në realitetin politik zgjedhor, është e vështirë t’ia dalin vetëm me partinë që drejtojnë, pa ndihmën e dy partive të mëdha. Fillimisht duket se ky është edhe “karremi”, pra, siguria që krerët e partive të vogla të bëhen sërish deputetë, duke u përfshirë në listë e PD-së.
Mandatet
Por kjo alternativë sa vjen dhe po has kundërshti brenda vetë niveleve larta të PD-së. Mjaft deputetë dhe sekretarë të departamenteve në PD, mësohet se po i kërkojnë Bashës që ofertat për koalicion t’i bëjë në kushte realiste. Ata nuk e konsiderojnë racionale vijimin e praktikës që kryetari i një partie aleate të përfshihet në listën për deputetë të PD-së. Dhe për më tepër që partia e vogël aleate të garojë brenda koalicionit me PD-në. Duke ju referuar zgjedhjeve të vitit 2013, forcat politike të vogla më shumë morën nga PD-ja sesa i dhanë asaj. Me këto formula, sipas tyre, më shumë u frynë disa parti të vogla thuajse të papërfillshme. Ndaj vlerësohet se premtimet për koalicionet duhet të jenë realiste dhe jo thjeshtë një pazar mandatesh për deputetë, ku disa krerë partish aleate marrin mandate në kurriz të mjaft figurave brenda PD-së që kanë dhënë dhe japin më shumë kontribut.
(javanews.al) Me. Ar
