Valon Berisha ka vendosur që t’i bashkohet Kombëtares së Kosovës, ndërsa vëllai i tij, Vetoni do të mbetet me Norvegjinë. Kosova ka marrë një tjetër lajm të mirë, pasi Valon Berisha ka lënë Norvegjinë për të luajtur për Kombëtaren e Kosovës.
Për dallim nga Valoni, vëllai i tij Vetoni ka vendosur që të mbetet te Norvegjia. Lajmi është konfirmuar edhe nga menaxheri i Kombëtares së Kosovës, Bajram Shala, i cili tha se Valoni do të luaj me Kosovën, ndërsa Vetoni mbetet te Norvegjia.
“Pas bisedave me përzgjedhësin Bunjaki dhe familjen e tij, Valoni ka vendosur që t’i bashkohet Kosovës, ndërsa Vetoni mbetet te Norvegjia.
Ne kemi pasur kontakte me Valoni që një kohë të gjatë, që kur përzgjedhësi e kishte vizituar pas një lëndimi të rëndë para disa kohësh”, ka thënë Shala për Gazetën Express.
Kujtojmë se Berisha është njëri nga futbollistët e shumtë që ditët e fundit i ka thënë po Kombëtares së Kosovës dhe shumë shpejtë pritet të jetë në dispozicion të Kosovës. (b.an)
