Të paktën 47 persona kanë humbur jetën dhe mbi 110 të tjerë janë plagosur, shumë prej tyre në gjendje kritike, pas një zjarri shkatërrues që shpërtheu natën e Vitit të Ri në lokalin “Le Constellation” në Crans-Montana të Zvicrës.
Mes viktimave ka edhe shumë të mitur.
Sipas autoriteteve zvicerane, gjatë një feste të Vitit të Ri, dhe u përhap me shpejtësi të jashtëzakonshme pasi shkëndijat nga fishekzjarrët e vendosur mbi shishe shampanje prekën tavanin e veshur me material fonoabsorbues dhe dru.
Brenda pak minutash, lokali u përfshi nga flakët, duke u kthyer në një kurth vdekjeprurës.
Autoritetet raportojnë se në lokal ndodheshin edhe të mitur, ndërsa dëshmitarët flasin për mungesë kontrollesh dhe masa të pamjaftueshme sigurie, përfshirë vetëm një dalje emergjence.
Identifikimi i viktimave po vazhdon dhe është i vështirë për shkak të gjendjes së trupave.
Mes të plagosurve ka edhe shtetas italianë.
Sipas Ministrisë së Jashtme të Italisë, gjashtë italianë rezultojnë ende të zhdukur, ndërsa dhjetë të tjerë ndodhen në spitale në Zvicër dhe Itali.
Disa të plagosur janë transferuar në Francë, Poloni dhe Gjermani për trajtim të specializuar.
Autoritetet zvicerane kanë paralajmëruar se bilanci mund të rëndohet, pasi dhjetëra të plagosur ndodhen në gjendje kritike, ndërsa hetimet për shkaqet dhe përgjegjësitë e tragjedisë janë në vijim.
Lokali, ishte i blerë nga çifti më 2015 dhe i njohur për atmosferën e tij après-ski, mund të presë deri në 400 persona. Ai shtrihet në dy kate: në katin e parë ndodhet kafeneja dhe bar me verandë mbi Alpet, ndërsa kati nëntokë, ku shpërtheu zjarri, ishte i dedikuar për festa me DJ, kokteje dhe narghilè. Sipas hetimeve paraprake, materialet prej druri dhe lëkure që dekoronin ambientin kanë favorizuar përhapjen e flakëve.
Jessica Moretti ishte prezent në lokal gjatë incidentit dhe ka pësuar djegie në krah, ndërsa Jacques ndodhej në një nga lokalet e tjera që zotëronin. Të dy janë intervistuar nga autoritetet dhe kanë dhënë informacion mbi konfigurimin e brendshëm të lokalit dhe masat e sigurisë, por aktualisht nuk janë të dyshuar.
Hetimet e prokurorisë fokusohen tek materialet e përdorura, pajisjet e sigurisë, rrugët e daljes dhe organizimi i brendshëm i lokalit, me dyshime për zjarr, vrasje dhe plagosje. Autoritetet po verifikojnë gjithashtu numrin e saktë të personave të pranishëm dhe mënyrën se si është përhapur zjarri, në mënyrë që të përcaktojnë çdo përgjegjësi penale.
Le Constellation ishte i njohur si një vend i frekuentuar nga të rinjtë dhe turistët, veçanërisht gjatë aktiviteteve après-ski dhe mbrëmjeve speciale. Tragjedia ka tronditur komunitetin lokal dhe ka hapur debat mbi standardet e sigurisë dhe materialet e përdorura në ambiente të ngjashme.
Mësohet gjithashtu se lokali ishte një nga të paktët në resortin e skive që lejoi hyrjen e personave mbi 16 vjeç, ndryshe nga shumica e ambienteve të tjera ku mosha minimale ishte 18 vjeç.
Ndërkohë presidenti i Konfederatës Helvetike, Guy Parmelin, vizitoi vendin e ngjarjes dhe e cilësoi zjarrin si “një nga tragjeditë më të rënda që Zvicra ka përjetuar ndonjëherë”.
Ai premtoi se autoritetet do të bëjnë gjithçka për të zbardhur rrethanat e ngjarjes dhe për të parandaluar ngjarje të ngjashme në të ardhmen.
“Lutjet dhe mendimet tona janë me të gjithë të prekurit nga kjo tragjedi. Zvicra do të qëndrojë e bashkuar për të kuptuar se çfarë ka ndodhur dhe për të shmangur përsëritjen e një tragjedie të tillë”, tha Parmelin.
Ministri i Jashtëm italian, Antonio Tajani, konfirmoi se 12-15 shtetas italianë janë të shtruar në spitalet zvicerane, disa në gjendje të rëndë, ndërsa 16 italianë rezultojnë të zhdukur. Tre të plagosur rëndë do të transferohen në Milano për trajtim.
Komuniteti lokal ka vendosur lule dhe mesazhe ngushëllimi, ndërsa aktivitetet festive për Vitin e Ri janë anuluar.
Autoritetet paralajmërojnë se procesi i identifikimit të viktimave dhe trajtimi i të plagosurve do të zgjasë javë, ndërsa pesë ditët e zie janë një shenjë respekti dhe reflektimi kombëtar.
