Zv. Ministri i Brendshëm Besfort Lamallari në një lidhje të drejtpërdrejtë në “News 24” tha se të gjithë ata persona që janë prekur nga tërmeti, do të mund të strehohen nëpër hotele.
“Akomodimi në palestra ishte i përkohshëm, ndërsa tashmë do të akomodohen në hotele. Duke marrë në konsideratë situatën emergjente, e rëndësishme është që njerëzve iu është siguruar një strehë. E rëndësishme është që familjeve që janë sot në qiell të hapur, po iu ofrohet akomodim. Për të sëmurët do të jepen ilaçe. Ushqimi do të ofrohen në hotele. Me një dokument nga administratori i njësisë bashkiake,”, tha Lamallari.
Besfort Lamallari u shpreh se falënderon të gjithë ata që ndihmuan njerëzit në këtë situatë të trishtë.
“Kjo ishte një situata dramatike. Ishte një gjendje paniku dhe ankthi mes qytetarëve. Kurrë nuk e kishim menduar që njq qytet bregdetar të përfundonte në këtë situatë kaq tragjike. Kjo situatë është e paprecedent prej 40 vitesh. Dua të them se duam të shprehim vetëm mirënjohje për të gjithë ata që kanë ndihmuar në operacione komplekse, të vështira. Ne kemi ndihmuar sa kemi mundur, madje shpesh duke punuar më shumë nga sa na ishte ngarkuar.
Ekipet e kërkim-shpëtimit kanë punuar në kushte shiu e rrebeshi. Në këto ditë është treguar një solidaritet i madh dhe i plotë në ndihmë të qytetarëve. Kishim edhe sensilizimin e bizneseve të ndershme në vend”, deklaroi Lamallari.
