Pas reshjeve te dendura të shiut, gjendjes mizerabël të kanaleve kulluese dhe situatës problematike, Bashkia Shkodër nuk ka bërë asnjë lëvizje për t’i ardhur në ndihmë banorëve.
Mirëpo kjo nuk i ka penguar FA të mobilizohen duke qëndruar në lartësinë e detyrës dhe të përgjegjësise njerëzore për ti ardhur në ndihmë çdo banori të zonave të prekura nga uji.
“150 efektive te FA me 13 mjete te kalueshmerise se larte dhe motorbarka jane aktualisht te angazhuar ne zonat e prekura nga uji ne Shkodër.
Në mesditë mbërritën në këto zona një grup efektivesh nga Komanda Mbeshtetese si perforcim per batalionin e Vaut te Dejes”, njofton Ministria e Mbrojtjes.
Në buxhetin e Bashkisë së Shkodrës janë 6 milionë lekë të caktuara për emergjencat civile, por kryetarja Ademi nuk ka marrë asnjë plan masash për të administruar problemin.
Që në krye të herës, Forcat e Armatosura kanë qenë në terren duke evakuar 750 banorë.
Gjithashtu është punuar për largimin e ujit nga tokat pujqësore, si dhe janë shpërndarë ushqime, ujë dhe ndihma të shumta. (Tema)
