“Ibra sa para do duhej të paguheshe për një meç kundër Joshuas?”, dhe nuk mungoi përgjigjja tipike në stilin e Zlatanit .
Suedezi ishte i pranishëm në publik për të shikuar meçin mes Anthony Joshuas dhe Carlos Takam. Britaniku fitoi ndaj francezit me prejardhje nga Kameruni dhe kështu mbrojti titujt IBF dhe WBA.
Në intervistën nga ‘iFL TV‘ pas meçit në mes të tjerave suedezi u pyet se sa para duhet të paguhej ai që të pranonte një luftë me Joshuan, dhe normalisht përgjigjja ishte tipike në stilin Ibra.
“Jo, vetëm unë mund të mësojë nga Joshua, por edhe ai. Nëse ai dëshiron vetëm unë mund t’i mësoj disa lëvizje të Bruce Lees”. “Francezi bëri një luftë të mirë. Gjyqtari është aty për t’i mbrojtur boksierët. Takam po rrihej dhe gjyqtari e mbrojti”.
“Mendoj se gjyqtari din më shumë se 80,000 të pranishmit. Natyrisht që ata dëshironin të shikonin një nokdaun, por Joshua fitoi dhe kjo është e rëndësishmja”.
Ibrahimovic duket se është shok i mirë me Joshuan, kjo pasi suedezi e vizitoi britanikun para meçit dhe normalisht nuk munguan dhe fotografitë në rrjetet sociale, përgatiti ”Telegrafi”. (b.an)
