Një ngjarje e rëndë ka tronditur Durrësin pasditen e sotme. Mësohet se tre të mitur kanë humbur jetën për shkak të një zjarri të rënë.
Burime nga Durrësi thonë se tre viktimat janë trinjakë të moshës 3-vjeçare.
Nga të dhënat e para mësohet se e ëma e viktimave ka rrëfyer në polici se i kishte lënë fëmijët vetëm në shtëpi, pasi ishte larguar për disa punë.
Kur është kthyer, ka para që shtëpia kishte marrë flakë, si dhe fëmijë e saj ishin djegur, duke humbur jetën.
Po ashtu, në momentin që ka rënë zjarr në shtëpi nuk ka qenë as babai i fëmijëve, Gëzim Koçi.
Ende nuk ka të dhënë të sakta për shkaqet e zjarrit, por dyshohet se fëmijët kanë qenë duke luajtur me shkrepëse, gjë e cila ka shkaktuar edhe rënien e zjarrit.
Njoftimi i policisë:
Më datë 20.09.2017, rreth orës 17:30, në Rromanat në banesën private të shtetasit G.K. ka rënë zjarr.
Fatkeqësisht brenda në banesë kanë qenë vetëm 3 fëmijë të mitur, trinjakë të moshës 3 vjeç, të cilët kanë ndërruar jetë.
Grupi hetimor ndodhet në vendngjarje, të cilët po punojnë për zbardhjen e rrethanave të ngjarjes.
/b.d
