Një zonë me shkurre në fshatin Mjekës është përfshirë nga zjarri pasditen e sotme. Era e fortë ka bërë që flakët të përhapen me shpejtësi në zonë, duke rrezikuar që të prekin edhe Uzinën e Lëndëve Plasëse të Mjekësit.
Menjëherë në vendngjarje kanë shkuar dy automjete zjarrfikësish, për të neutralizuar flakët e zjarrit, pasi uzina e armëve që ndodhet aty pranë përmban lëndë shumë të rrezikshme, dhe do të kishte pasoja të rënda nëse bie në kontakt me zjarrin.
Sipas mediave informative, zjarrfikësit kanë hasur në vështirësi që t’i afrohen vatrës për shkak të terrenit të vështirë.
