Situata nga zjarret është rënduar së fundmi në Ulëz ku gjendja paraqitet mjaft kritike, sidomos në fshatin Trodhen, ku familjet kanë dhënë alarmin se flakët iu kanë ardhur pranë shtëpisë, ndërsa një prej fëmijëve të tyre, një foshnjë njëmuajshe është asfiksuar nga tymi.
Njëri prej banorëve, Tanush Sefgjini ka apeluar për ndihmë, pasi zjarri ndodhet vetëm pak metra banesës së tyre. Ai sqaroi për mediat se fëmijët po mbahen brenda, pasi dje më i vogli ka shfaqur shumë probleme.
“E kemi mbajtur me kompresa, ka qenë shumë keq. Ne jemi 10 familjarë me fëmijë e gra, po tentojmë ta fikim zjarrin por na ka rrethuar”, u shpreh ai teksa apeloi për ndërhyrje të shpejtë, pasi jeta e tyre është në rrezik. “Duam ndihmë se rrezikojmë të digjemi, zjarri ka arritur vetëm pak metra larg banesës. Kemi që dje që po përpiqemi të shuajmë zjarrin, por ka dalë jashtë kontrollit, na ka rrethuar shtëpinë”, u shpreh më tej ai raporton Panorama.
Sefgjini u shpreh se nuk mund të largohet nga shtë- pia, pasi ka 150 krerë bagëti që s’mund t’i lërë të digjen.
“U kërkojmë autoriteteve të sjellin një helikopter. Janë nisur 25 forca të ushtrisë nga Mati për të shuar zjarrin, por ato duan dy orë që të mbërrijnë në vendngjarje”, shprehet i alarmuar banori. Mësohet se në këtë fshat janë katër familje mjaft të rrezikuara.
