Ministrja e Mbrojtjes, Olta Xhaçka ka falenderuar Forcat e Armatosura për punën që po bëjnë për shuarjen e zjarreve në pyje.
Xhaçka thekson se kushdo që guxon t’i vërë flakën pyjeve e kullotave dhe kërkon të krijojë pasiguri, duhet denoncuar e përballur me ligjin.
“Faleminderit të gjithë djemve e vajzave të Forcave të Armatosura për punën që po bëjnë në shërbim të komunitetit dhe ruajtjes se pasurisë së përbashkët nga zjarret e qëllimshme të konstatuara gjatë tre javëve të fundit”, shprehet Xhaçka.
“Një situatë e pazakontë, përballë së cilës, pushteti vendor apo strukturat përgjegjëse nuk mund të mjaftohen vetëm me kërkesat për ndërhyrje nga ajri apo toka. Kushdo që guxon t’i vërë flakën pyjeve e kullotave dhe kërkon të krijojë pasiguri duhet denoncuar e përballur me ligjin”, thekson Xhaçka.
/a.rada
