Martaneshi prej 3 ditësh është në luftë konstante me flakët, teksa këtë të hënë një tjetër vatër zjarri është përhapur në një fshat të zonës duke vënë në rrezik jo vetëm banesat por edhe disa biznese.
Flakët i janë afruar mjaftueshëm edhe minierave, e për të mbrojtur makineritë që kushtojnë miliona lekë, edhe minatorët kanë nisur aksionin për të shuar flakët.
Në vendngjarje ndodhet vetëm një automjet i shërbimit zjarrfikës, i cili nuk ka mundur të vërë nën kontroll flakët për shkak të terrenit të thyer malor.
Në një rast më herët këtë mesditë, zjarri ka detyruar forcat e shpëtimit që të evakuojnë 6 familje pasi flakët rrezikonin seriozisht që të merrnin me vete shtëpitë e tyre./a.m.
